مكياج سواريه

موضوع: مكياج سواريه 8/1/2010, 9:16 am

مكياج سواريه Xinsrc_0420705111403125706449

قبل ما نعرف إزاي نعمل المكياج السواريه في بنات قالت لي عايزة تعرف أنواع الفرش واستعمالاتها..
استخدامات الفرشاة الكبيرة
الفرشاة الكبيرة ليها 3 استخدامات وهي:
1- مع البودر، فممكن نمسح بيها
2- بعد ما نحط البودر بنشيل بيها الحاجات الزيادة
3- كمان بنسخدمها في توزيع الروجاجو
مكياج سواريه Kamar_03

استخدامات الفرش الأخرى:
• فيه فرشاة تانية بنستخدمها للتسريح بيبقى وشها عامل زي الشعر الصناعي وساعات الطبيعي.

• وفيه فرشاة كمان للرموش ودى بتساعد إن احنا نطلع الرموش لفوق وفي نفس الوقت بتشيل الزيادة من الماسكرا.

• وفرشاة الحواجب اللي بنملا بيها الحواجب، بتبقى ناشفة شوية وشعرها مائل شوية علشان تكون سهلة الاستخدام.

• أما فرش الايشادو ففيها الصغيرة والكبيرة والصغيرة تستخدم لتحت العين.

وعلى فكرة فيه ناس ما بتستخدمش فرشاة خالص وتستعمل صوابعها زي ما عملنا من شوية. والناس اللي عندهم شوية خبرة هيقدروا يحددو اللون ويعملوا ميكس كويس باستخدام أيديهم.

دلوقت هنبدأ نعمل مكياج سواريه..
لو أنتِ رايحة فرح أو مناسبة بسيطة ممكن تزودي شوية على المكياج اللي عملناه للصبح، لأن المكياج السواريه بيكون أقوى من المكياج العادي بتاع "الصبح"، فبتلاقي إن خاماته أكثر والفرش بتزيد شوية وشكل ورسومات العين وألوانها هي كمان بتبقى أكتر.. يعني من الآخر كده بيبقى حاجة جامدة جدا...
تعالوا نشوف الخطوات
• دلوقت هنستعمل الفرش بتاعتنا علشان نزود مكياج الصبح وبالتالي الأساس لازم يبقى أكتر شوية.
مكياج سواريه Kamar_04

• بنتقّل الفونديشن شوية اللي تحت العين علشان يعمل طبقة فاتحة شوية تحت العين. وعشان تعمليه كويس لازم تفضلي باصّة فوق شوية لأنك لو بصيتِ لتحت هيبقى جزء تحت العين مش معمول فبتضطري تعملي فونديشن تاني وبودر تاني.
مكياج سواريه Kamar_05

• الفونديشن والبودر نعمله بالبدارة زي ما اتفقنا وممكن بالفرشاة زي ما اتفقنا.
مكياج سواريه Kamar_06

• وبعد ما نزود الأساس والبودرة، بنشيل الزيادة بالفرشاة علشان الميك يبقى مافيهوش بودر كتير وكمان ممكن العروسة أو اللي رايحة الفرح تعمل حاجة ثانية بعد ما تحط الفونديشن ممكن تحط تلج على وشها. ولو بتستعمل فونديشن سائل، ماينفعش خالص أحط عليه تلج لأنه بيضيع المكياج وكأنك حطيتِ مياه. لكن الميك أب اللي أنا حطاه مخصوص للسينما يعني ضد المياه ومش بيروح نهائي سواء مع التلج أو العرق. وده اللي كل الفنانين بيستعملوه. وبيكون الفونديشن بتاعه تقيل شوية والبودر تقيلة شوية فبيثبت معاها تمام.
مكياج سواريه Kamar_07

• بنزود كمان الكحل اللي جوه العين بالقلم الأسود علشان يديني رسمة مختلفة عن الصبح ونحط تحت العين أيشادو.
مكياج سواريه Kamar_08

• وممكن نمشي بالقلم الأسود فوق الرموش على طول بخط رفيع. وجوه الرموش كمان ممكن نزود الأسود عشان يدينا نظرة عميقة.
مكياج سواريه Kamar_09

• بنحط أيشادو فاتح تحت العين عشان يديها شوية نور جوا العين. بعد كده نحط عليه جليتر لأنه موضة السنة دي. بس بنحطه في مناطق معينة.. تحت العين بس.. وبعدين نحط الماسكرا وتبقى تقريباً خلصت العين.
مكياج سواريه Kamar_10

الماسكرة والرموش

أولاً: الرموش
الرموش بتشغل بال ناس كتير جداً وخاصة العروسة.. يعني مثلاً مفيش عروسة إلا وتقولي انتي مش هتحطيلي رموش؟ لازم أحط رموش للعروسة في الفرح مهما كانت رموشك طويلة أو خفيفة لأنها بتفرق أوي مع العروسة علشان كمان شكل الصور. لو استعملتي فعلاً الرموش بتدي شكل حلو أوي للعين وفي نفس الوقت بتفرق جداً مع الرسمة وبتفرق نفسياً..

• احنا النهاردة هنحط الرموش كلها حتة واحدة. وهي على فكرة بسيطة مش صعبة أبداً ممكن تحطيها لنفسك وتضبطيها وانتي باصة أمامك في المرايا.
مكياج سواريه Kamar_11

ثانيا: بالنسبة للماسكرا
في بنات بتحط ماسكرا ملونة، والماسكرا الملونة ممكن تنفع مع حفلة أو مناسبة عادية. لكن أي حاجة رسمية أو فرح لازم تحطي سودة أو بني. والبني ده أنا بعتبره مع الشقر اللي عينيهم ملونة وشعرهم فاتح وحواجبهم كمان فاتحة فلازم يستعملوا ماسكرا بني وقلم كمان بني بدل الأسود لأن الأسود معاهم هيبقى صريح أوي لكن البني ساعات بيبقى شكله لذيذ.
• ممكن نزود من فوق العين شوية بني عشان نعمل ميكس شوية مع الذهبي. والذهبي اللي حطيته بيدي ضوء وبيدي كمان نور للعين وشكله ظريف. بعد كده بنحدد الحواجب بالبني ونبقى تقريباً خلصنا مكياج العين.
مكياج سواريه Kamar_12

• وبعد كده نزود الروجاجو، وهنحس فعلاً إنها اتغيرت وعينيها ظهرت شوية وفي نفس الوقت شكلها ظريف.

• هنحط الروج زي ما اتفقنا بالفرشاة الخاصة بيه.

• بنحدد شكل الشفايف وأنا بنصح باللون الفاتح لأن احنا دائماً ما نكثر في مكياج العين فاللون الفاتح معاه بيبقى شكله ظريف أوي. وممكن بقى بالليل نكبر شفايفنا شوية علشان التحديد يبان. وبعدين بنحط حاجة بتلمع شوية على الروج علشان يبان ويبقى بسيط أوي وفي نفس الوقت ماخدش معانا وقت وغير شوية في الشكل

موضوع: رد: مكياج سواريه 8/1/2010, 11:56 am

ت ح ياااتي
الـــــــــك

موضوع: رد: مكياج سواريه 9/1/2010, 6:38 am

موضوع: رد: مكياج سواريه 16/2/2010, 1:52 am