المسلم الوحيد في العالم..ههههههه

اقروها الى الاخر
مافي مسلم غيره في العالم
مررررره مصدق نفسه

أبو صالح و أبو راشد قاعدين يطالعون الأخبار في بلدتهم بريدة في القصيم.أبو راشد - وش قاعد تفكر فيه يا بو صالح؟أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين. - و الله أنك (صادق) يا أبو صالح. -

بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدق هم العرب اللي يفهمون القرآن و الأحاديث.

- و الله أنك صادق يا أبو صالح. -

و بعد ترى مو كل العرب مسلمين صحيحين. عندك هالشوام و المصاريه و

المغاربه و الله حتى ما يصلون صلاة ربي. ان بغيت المسلمين الصدق تراهم أهل

الجزيرة و الخليج.

- و الله أنك صادق يا أبو صالح.. -

و مو بعد كل الخليج.. ترى كل هالدول تسمح بالخمر و بالكنايس، الدين الصدق هو

ديننا احنا يا أهل السعودية.

- و الله أنك صادق يا أبو صالح. - بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية

حريمهم بعد ما يتغطون و يشيشون، و أهل الشمال حريمهم ما يتغطون عن رجالهم

و يجلسون معهم و يضيفوهم. و أهل الجنوب مثل ما انت خابر عندهم بدع واجد.

الدين الصدق هنا عندنا في الوسطى و القصيم.

- و الله أنك صادق يا أبو صالح.. -

بس ترى عندك هنا في الوسطى الناس يتتنون (يدخنون) و يسمعون موسيقى و العياذ

بالله. الدين الصدق هنا ببريدة.

- و الله أنك صادق يا أبو صالح.. -

بس بعد في بريدة مو كل حارة زي الثانية، ترى أكثر أهل بريدة مركبين دشوش و

يشوفون القنوات الماجنة. ما فيه مثل حارتنا مافيها و لا دش واحد.
- و الله أنك صادق يا أبو صالح... -

بس الله يهديهم جيراننا مو دايم تشوف عيالهم في المسجد، و لا تشوفهم دايم في

صلاة الفجر. الصراحة يا بو راشد ما فيه في الحارة يصلون الفجر دايم في المسجد

الا أنا و انت.

- و الله أنك صادق يا أبو صالح..-بس أشوفك يا بو راشد هالأيام ما تخشع زين في صلاة الفجر!!

طلع هو المسلم الوحيـــــــــــــــــد

ههههههههههههههههههه